Petroglifos do Maúxo

AS PRESAS III

PARROQUIA: Coruxo.

CÓDIGO XACEMENTO: 36057056.

Este conxunto é citado por algúns autores, máis pola catalogación oficial coma «Presas das Rodas». Sen embargo, nas publicacións do Clube Espeleolóxico Maúxo aclarase que este topónimo atópase en terras de Chandebrito e non nas de Coruxo. Polo tanto vou a referirme  o petroglifo en cuestión seguindo o criterio destes últimos, xa que o estudo da toponimia pola súa parte, paréceme máis exhaustiva e fiable.

A dereita da pista que, dende a capela de San Sebastián en Fragoselo, se dirixe cara o campo de fútbol de Fragoselo; e uns metros despois de supera-lo petroglifo do Castiñeirón podemos acercarnos ata este conxunto. Composto por círculos concéntricos con sucos e coviñas asociados e tamén unha combinación circular con coviña central e un suco radial. Tamén pódemos apreciar coviñas de varios tamaños e formas, ademáis de  tres cazoletas ovales que, ben poderían ser os tres compoñentes dos chamados muíños naviculares ou de soporte fixo.

Un letreiro a beira da pista- do mesmo xeito que no de Castiñeirón- indica a presencia deste conxunto. Bótase de menos un panel explicativo, coma no mencionado Castiñeirón. Tamén é necesaria unha luz rasante para poder aprecialos.

AS PRESAS III (PRESA DAS RODAS)

AS PRESAS III (PRESA DAS RODAS)

Fotogametria parcial da laxe.

CASTIÑEIRÓN

PARROQUIA: Coruxo.

CÓDIGO XACEMENTO: 36057057.

Atópase nunha laxe a ras do chan nunha pequena elevación a esquerda da pista que, desde a capela de San Sebastián vai cara o campo de fútbol de Fragoselo.Un cartel de madeira a beira da carreteira nos indica a súa presencia. Non existe sen embargo, ningún panel informativo sobre a inscultura que podemos atopar na pedra. É necesario unha luz rasante para poder aprecialo ben.

Aparecen representados varios círculos concéntricos con coviña central. O derradeiro círculo permanece aberto e asociado a un círculo exterior que se une co segundo círculo concéntrico.

CASTIÑEIRÓN

OUTEIRO DE LUCAS II

PARROQUIA: Coruxo.

CÓDIGO XACEMENTO: Sen catalogar.

Outeiro de Lucas II

Se ben a deixadez por parte das administracións con respecto os petroglifos é para min  irritante, neste caso provocame  ademais unha mistura de impotencia, rabia, desesperación, vergoña allea  e por último noxo; xa que esta inscultura situada o Noroeste do seu «irmán» o petroglifo do Outeiro de Lucas I,  atópase sen embargo, sen  catalogación oficial. Non sei si chegará algún día a ser catalogada posto que, duns anos para acá esta laxe foi arrincada do seu lugar orixinal e permaneceu  in situ volcada. Hoxe en día a pedra, foi desprazada do sitio onde permaneceu despois da súa extracción, supoño que con intención de levala. É triste que mentres no Outeiro de Lucas I se coloque un panel informativo, esta laxe fique ignorada pola administración  e probablemente acabe  adornando o xardín de algún chalé. Compre que a laxe sexa restituída o seu emprazamento orixinal, darlle a protección adecuada, ( tanto física como administrativamente),  para evita-lo seu espolio.

Neste petroglifo aparecen dous muíños naviculares  cos seus tres compoñentes, aínda que estes muíños pasaron de ser de soporte ou durminte fixo a móbil, polo arriba mencionado. Tamén aparecen unha serie de sucos que incluso chegan a superpoñerse os muíños.

Fonte da Planimetría: Clube Espeleolóxico Maúxo.

Outeiro do Lucas II. Agosto 2016.

OUTEIRO DE LUCAS I

PARROQUIA: Coruxo.

CÓDIGO XACEMENTO: GA36057040.

Outeiro de Lucas I

 A catalogación oficial deste petroglifo refírese a el erroneamente coma Carballoso I. Sen embargo aquí, vou utilizar a catalogación empregada polo Clube Espeleolóxico Maúxo, posto que me parece a máis correcta. Tratase dun outeiro visible a dereita da pista que de Fragoselo vai ata o parque forestal de Saiáns. Actualmente, o petroglifo esta sinalizado por un letreiro  informativo colocado nunha recente posta en valor dalgúns dos petroglifos da zona.

Xunto as pías de orixe natural da pedra, este petroglifo neste petroglifo pódense apreciar tres combinacións circulares con coviña central e un muíño manual de soporte fixo cos seus tres compoñentes ben claros.

Outeiro de Lucas I

 Na pedra do primeiro plano da fotografía superior, pódense observar dous círculos concéntricos con coviña central e un par de riscos que unen o círculo central co externo en forma de «V», e que unha vez unidos se prolongan diagonalmente. Esta parte do petroglifo atoparíase todavía inédita.

Detalle da inscultura inédita.

Fonte da planimetría: Clube Espeleolóxico Maúxo.