Petroglifos do Maúxo

MONTE DO CASTRO (O ALTO DA MEDOÑA)

PARROQUIA: Saiáns.

CÓDIGO XACEMENTO: Sen catalogar.

Muíños naviculares

Este é outro exemplo da deixadez e desidia que sofren os nosos petroglifos, xa que aínda que xa apareceu nos traballos publicados polo Clube Espeleolóxico Maúxo e estes comunicaron polos regos regulamentarios  a súa existencia, este todavía continua sen inventariar. Situado no exterior do Castro do Alto da Medoña ou Castro de Estea, (este si catalogado), o petroglifo se atopa entre unha presa de auga alimentada polo río Saiáns e uns muíños de auga tradicionais en estado de abandono, (…máis exemplos sobre coidar o patrimonio). Neste petroglifo aparecen tres muíños naviculares ou de man, con só dous dos compoñentes.

Algúns autores falan de outro petroglifo na segunda terraza do Castro composto por coviñas asociadas con pequenos riscos.Sen embargo, non fun quen de localizar este petroglifo.

Coma parte dun sendeiro etnográfico – promovido pola Comunidade de montes San Xurxo de Saians e realizado polo Instituto de Estudos Miñoranos– o Castro acábase de poñer en valor. Foi debrozado e colocáronse uns paneis explicativos tanto interior do recinto coma nos seus accesos, na mina de auga- situada no foso- e tamén nos muíños naviculares coma nos hidráulicos. O feito de que se poña en valor estes elementos e se integren dentro de un sendeiro que da a coñecer o patrimonio nesta parroquia é unha boa nova que, esperemos sexa o comezo da posta en valor e a catalogación de todas as xoias destes montes.

Fonte Planimetría: Clube Espeleolóxico Maúxo.

Castro de Estea. Vista da entrada máis do foso.