Petroglifos do Maúxo

CÓDIGO XACEMENTO: GA36057048

Varias laxes compoñen este conxunto localizado no Barrio do Castro en Fragoselo. Nunha das laxes, podemos apreciar combinacións circulares con coviña central e sucos asociados. Xa no cume da elevación temos varias laxes onde atoparemos un muíño de tipo navicular cos seus tres compoñentes e o seu carón o que parece o compoñente central de outro muíño máis. Tamén ademais de algunhas coviñas, aparecen representados tres taboleiros axadrezados moi alterados pola erosión e moi difíciles de apreciar.

Bótase en falta algún tipo de sinalización que indique a presencia das insculturas e algún panel informativo que amose o que alí esta representado.

OUTEIRO DO CASTRO

OUTEIRO DO CASTRO

OUTEIRO DO CASTRO

OUTEIRO DO CASTRO

POZA DA LAGOA-CHAN DE ARRIBA

PARROQUIA: Coruxo.

CÓDIGO XACEMENTO: GA36057105

POZA DA LAGOA. CHAN DE ARRIBA

Sobre unha laxe situada o sur de castro Chouzo, e moi próxima a mámoa de Chan Grande, podemos visitar este conxunto composto de unhas 71 coviñas  distribuídas en forma oval. Noutra pedra o norte desta, cunhas pías naturais na súa superficie e na cara vertical temos un cruciforme manufacturado con instrumento metálico

No borde da pista que atravesa esta planicie, temos un letreiro de madeira que sinala na dirección na que se atopa este petroglifo, sen embargo, non existe máis información. Estaría ben que, se colocase un letreiro cunha planimetría desta inscultura para que, o visitante saiba que é o que alí se atopa representado. 

POZA DA LAGOA-CHAN DE ARRIBA

POZA DA LAGOA-CHAN DE ARRIBA

Fonte da planimetría: Clube Espeleolóxico Maúxo.

ALTO DA COSTA

PARROQUIA: Coruxo.

CÓDIGO XACEMENTO: GA36057061

ALTO DA COSTA

Nunha rocha visible desde a estrada  que de Fragoselo vai cara a Chandebrito, e a escasos metros do límite entre estas dúas parroquias, temos este gravado que, garda grandes similitudes coas insculturas  de «A de Rial», estas xa en terras de Chandebrito.

Os restos das talas, amontóanse contra esta laxe, correndo o risco de verse sepultada. É unha pena que, atopándose tan cerca da pista, non se poña en valor este gravado e  non se acondicione o sitio para poder visitar estes motivos insculturados.

A grande cantidade de vexetación e lixo – o lugar foi utilizado coma vertedoiro incontrolado polos desaprensivos- fixo que durante os incendios de outubro do 2017 a laxe fose fortemente afectada polo lume. Polo momento, parece que a termoclastia non causou estragos na mesma máis só co tempo saberemos si non lle vai a afectar.

O CORTIÑO- LAPA FURADA

PARROQUIA: Coruxo.

CÓDIGO XACEMENTO: GA36057097

O CORTIÑO- LAPA FURADA

 Nunha dorsal o leste da Lapa  que da nome a estas insculturas, temos uns muíños te tipo navicular, un ovalo incompleto e algunhas coviñas.

Hoxe en día, este conxunto atópase sinalizado cun letreiro de madeira o borde da pista. Sen embargo, non existe ningún panel informativo do que alí se atopa. Para aquel que non saiba da existencia destes gravados, o letreiro lle parecerá que tan só indica a existencia de esta lapa «Furada».  A posta en valor destas  insculturas -así coma as de outras que forman parte destes sendeiros- nestes montes paréceme un tanto escasa, pero… menos da unha pedra.

O CORTIÑO- LAPA FURADA

O CORTIÑO- LAPA FURADA

ALTO DE BALTEIROS

PARROQUIA: Coruxo.

CÓDIGO XACEMENTO: GA36057117

No alto coñecido coma Balteiros, podemos atopar este conxunto, no que aparecen representados un cruciforme- de clara feitura con ferramenta metálica- e algunhas coviñas de diferentes diámetros. Noutra rocha próxima, temos outro cruciforme (tamén de feitura con útil metálico). Segundo algúns autores aparecerían na laxe principal -ademais dos motivos xa mencionados- un taboleiro e noutra rocha, algúns círculos concéntricos incompletos con eixo radial, e  coviñas e cazoletas nun terceiro soporte.

ALTO DE BALTEIROS

ALTO DE BALTEIROS

XESTOSO- ALTO DO POLOMBAR

PARROQUIA: Coruxo.

CÓDIGO XACEMENTO: GA36057096

Tres laxes compoñen este conxunto, no que podemos atopar: coviñas, cazoletas, taboleiros axadrezados e unha cruz claramente executada con útil metálico. As coviñas e a cruz presentan un bo estado de conservación, sen embargo, os taboleiros están moi afectados pola erosión, tanto que son  casi imperceptibles incluso con luz rasante.

Penso que non se debería agardar máis e buscar unha solución para que o desgaste que afecta os nosos petroglifos,  vaia a máis. É necesario que, tanto os espertos coma os responsables do patrimonio, acaden unha maneira de frear a erosión, asegurando a supervivencia dos gravados rupestres, senón en pouco tempo, o único que nos quedará serán as fotos para o recordo.

Lembrade, se ides a visitalos, que debedes aproveitar a luz rasante e aínda así facédevos a idea de que apenas se van ver. Non por isto debedes tentar de remarcalos para olla-los mellor. Senón podedes aprecialos, conformádevos con gozar da paisaxe e do lugar. Ter sempre presente que as visitas os petroglifos deben ser sempre o máis discretas posibles, é dicir: ver e fotografar, non alterar nada de tal maneira que non quede ningunha pegada da vosa visita.

Xestoso- Alto do Polombar.