Petroglifos do Maúxo

Casa de Couso

Nas cercanias do Castro de Chandebrito atopamos o muíño hidráulico das Chans xunto a varios paneis explicativos. Collendo o sendeiro que parte desde o muíño podemos dirixirnos a visitar as Tomadas da Casa de Couso e tamén as Mazarocas. Seguindo o mencionado camiño, e unha vez que este comeza a descender collemos a dereita unha pista que se dirixe cara a Pracíns. Na beira esquerda da senda que baixa, atopamos estes dous muíños rupestres un a carón do outro compartindo soporte.

Casa de Couso

O Estripeiral

Situado a dereita da estrada que ven de Fragoselo  ata Chandebrito; o outeiro é visible desde a mesma. As insculturas atópanse nunha pedra a nivel do chan máis no cumio do batolito que coroa o outeiro, ( na foto superior observamos no primeiro plano a pedra a nivel do chan e o fondo temos o batolito insculturado).

Este petroglifo lémbrame polas súas similitudes o petroglifo do Alto da Costa, tamén situado a beira dereita da mesma estrada antes mencionada; pero en terras de Fragoselo uns metros antes do límite con Chandebrito.

O Estripeiral

O Estripeiral,detalle.

O Estripeiral

Fonte da Planimetría: Clube Espeleolóxico Maúxo.

LAPELA VI

PARROQUIA: Chandebrito.
CÓDIGO XACEMENTO:36035016.

A Lapela

Próximo a canteira existente no camiño que desde o castro de Chandebrito vai cara o Alba, atopase este conxunto. Hoxe en día ten un pequeno cartel informativo máis un valado de madeira que o separa do sendeiro que discorre xunto el.

Obsérvanse unha combinación circular  con cazoleta central, un ovalo con coviñas no seu interior e unhas liñas asociadas a modo de retículado. Tamén aparecen círculos simples con coviñas no seu interior con liñas que os unen.

A Lapela

Lapela VI, foto nocturna.

A Lapela, foto nocturna.

Fonte da Planimetría: Clube Espeleolóxico Maúxo.

OUTEIRO DA CAÑOTEIRA I

PARROQUIA: Chandebrito.
CÓDIGO XACEMENTO: GA36035014.

Na cima do outeiro atopamos este petroglifo con dous muíños navículares, un deles atopase anulado por unha coviña no seu compoñente central. Ademáis temos unha combinación círcular concéntrica con coviña central e  un eixo radial que se prolonga, ademáis de unhas coviñas entre os sucos que conforman esta combinación. Nunha pedra inmediata atopamos o resto dunha combinación círcular victima da erosión.

A pegada dos canteiros e evidente en todo o outeiro, especialmente na banda sur. Probablemente  a fisionomía deste outeiro teña cambiado moito debido a esta actividade extractiva, podendo ter afectado a algún outro petroglifo.

Sucos e rebaixes realzados dixitalmente.

Sucos e rebaixes realzados dixitalmente.

Sucos e rebaixes realzados dixitalmente.

ABRIGO DA CAÑOTEIRA:

Na banda noroccidental do outeiro atopamos este pequeno abrigo de gran beleza, y que a pesares do seu reducido tamaño pode proporcionarmos un bo refuxio para a choiva ou as inclemencias do tempo.

OUTEIRO DA CAÑOTEIRA II

PARROQUIA: Chandebrito.
CÓDIGO XACEMENTO: GA36035013.

Atopamolo o Noroeste do Outeiro, baixando polo camiño que baixaba cara as Muradas, camiño que hoxe en día se atopa abandonado e que somentes e practicable ata a pedra na que se atopa o petroglifo. Nesta pedra podemos observar un muíño cos seus tres compoñentes e unha coviña.

Sucos e rebaixes realzados dixitalmente.

Mar de Rapadouro

PARROQUIA: Chandebrito.
CÓDIGO XACEMENTO: GA36035063.

Localizase nunha planicie coñecida como Mar ou Chan de Rapadouro, a beira esquerda da pista que desde o colexio ubicado nesta planice, se interna no monte cara o noroeste.
Por sorte os canteiros non terminaron de partir a pedra para levala. Deixaron sen embargo a súa pegada nesta rocha que a cruza de parte a parte. As rochas próximas presentan abundantes pegadas de cantería sendo probable que desaparecesen máis gravados.

Fonte da Planimetría: Clube Espeleolóxico Maúxo.

Mar de Rapadouro

O resto dos grupos que figuran na bibliografía como Chan de Rapadouro II,III, IV e V deben atoparse hoxe en día soterrados ou destruídos como a mámoa que se atopaba próxima e que foi atravesada pola pista antes mencionada.

Máis fotos:

http://picasaweb.google.es/angeldpv/PetrGlifoChanDeRapadouro#slideshow/5285232755097669058