Petroglifos do Maúxo

A VALGADA DA FONTE DO SAPO I

PARROQUIA: Saiáns.

CÓDIGO XACEMENTO: GA36035003.

A Valgada da Fonte do Sapo I

Atopámolo na beira do cortalumes que fai de división administrativa entre Vigo e Nigrán.  Nesta gran laxe pódense apreciar círculos concéntricos, cazoletas, coviñas e sucos.

Dáse a particularidade de que este petroglifo aínda que xa se atopa inventariado, sen embargo, é ignorado polo Concello de Vigo nas súas fichas individuais do PXOM. Descoñezo  o motivo desta omisión, se é debido a un erro ou si é deliberado, sexa cal sexa a razón, é un grave síntoma do lamentable abandono que sofren os nosos petroglifos. Non só temos petroglifos sen catalogar, senón que aínda por riba os que están inventariados ignóranse e desaparecen das fichas de documentos tan importantes como é o Plan Xeral de Ordenación da cidade, quen sabe se con escuras intencións.

A Valgada da Fonte do Sapo I

Fonte da planimetría: Clube Espeleolóxico Maúxo.