Petroglifos do Maúxo

Este petroglifo atopámolo  no medio dunha chaira. A forma máis fácil de chegar é continuando o sendeiro que pasa polo da  Lapela VI  ata chegar ata a torreta de alta tensión; a dereita da mesma atopase a chaira. Tratase de un batolito que destaca no medio de esta chaira e que presenta a súa parte superior e a cara inclinada insculturadas.  Os sucos deste petroglifo son de gran anchura e consta de un círculo con unha gran cazoleta central, do que  parten unha serie de liñas curtas de xeito radial. Partindo das cazoletas tanto circulares como ovales da parte superior, temos uns sucos ondulantes que en ocasións se unen entre sí e que descenden pola cara inclinada da pedra.