Petroglifos do Maúxo

LEIXEADE

PARROQUIA: Coruxo.

CÓDIGO XACEMENTO:Sen catalogar.

LEIXEADE

Nas lindes entre Leixeade de Arriba e o Chan Grande e nunha chaira que domina o canón inferior de A Costa do Can e de A Costa de A Fraga, formado polo río da Rega, atópase este petróglifo composto de tres combinacións circulares con coviña central e unha delas con risco axial.

Outro petróglifo máis que, a pesares de ter sido comunicada a súa descoberta polos cauces administrativos pertinentes, continua sen ser catalogado.

DEBESA DO REI III

PARROQUIA: Coruxo.

CÓDIGO XACEMENTO:.

Devesa do Rei III.Petróglifo moderno.

No camiño que vai dende a capela de San Sebastián, en Fragoselo, ata o petróglifo da Debesa do Rei I- máis coñecido como Pedra Moura-, atopamos estas insculturas nas que destacan, un serpentiforme e unha representación dun vehículo. É evidente que esta última representación é moderna, tanto polo motivo representado coma pola sección en «V» do suco que delata a súa execución con ferramenta metálica.

Devesa do Rei III

AVILLEIRA

PARROQUIA: Coruxo.

CÓDIGO XACEMENTO:Sen Catalogar.

Avilleira

No Monte de Avilleira, atopamos unha laxe de gran tamaño de superficie plana, na que aparecen insculturados tres muíños de tipo navícular. Un destes muíños presenta un risco con coviña no compoñente inferior e dúas coviñas no compoñente central. Nunha rocha das máis altas da elevación, catro coviñas. Nas caras verticais de outras rochas prósimas observanse coviñas aisladas.

Pese a ter sido comunicada a súa existencia polo Clube Espeleolóxico Maúxo seguindo o cauce administrativo correspondente, estes petroglifos continuan sen ser catalogados… unha vez máis: coma sempre o de sempre.

Avilleira

Avilleira. Coviñas remarcadas con círulos verdes.

Avilleira. Fonte da planimetria: Clube Espeleolóxico Maúxo.

O VIVEIRO IV

PARROQUIA: Coruxo.

CÓDIGO XACEMENTO:GA36057094

O Viveiro V

Rodeado de vexetación e eucaliptos e nun afloramento rochoso, atoparemos este conxunto no que se poden distinguir grupos de coviñas e dous muíños de soporte fixo ou de tipo navícular. Nas laxes prósimas – segundo a bibliografía, pero sen que o poida constatar- círculos concéntricos con cazoleta central e liñas curvas e rectas e algúns cuadrangulares e óvalos irregulares.

Se  atopan en mal estado, sen señalización e moi afectados por musgos e brións.

O VIVEIRO IV

PARROQUIA: Coruxo.

CÓDIGO XACEMENTO:GA36057095

O Viveiro IV

O borde dun camiño que vai ata o regato atopamos esta laxe a rente do chan rodeada de vexetación. Se aprecian catro coviñas e segundo a bibliografía, tamén un círculo con coviña central. En estado moi lamentable, sen señalización algunha.

O Viveiro IV. Coviñas remarcadas con círculos de cor verde.

O VIVEIRO III

PARROQUIA: Coruxo.

CÓDIGO XACEMENTO:GA36057093

O Viveiro III

Nunha laxe a rente do chan que se atopa moi prósima a uns muros tradicionais de pedra, aparecen insculturadas un grupo de 15 coviñas – a maioría delas non se aprecian-. Está en moi mal estado de conservación e ademáis cando se realiza algunha tala,  a maquinaria pasa por riba da laxe, pois está xusto no camiño de entrada.

O VIVEIRO III. Algunhas das coviñas remarcadas de cor verde.

O VIVEIRO II

PARROQUIA: Coruxo.

CÓDIGO XACEMENTO:GA36057091

O Viveiro II

Localízase sobre unha laxe o borde dunha vertente. Consta de 8 coviñas na sua parte superior. Atópase rodeado de maleza e eucaliptos, sen señalización algunha.

O Viveiro II. Algunhas das coviñas remarcadas con círculos cor verde.

O VIVEIRO I

PARROQUIA: Coruxo.

CÓDIGO XACEMENTO:36057092

ViveiroI

Localízase en Fragoselo, nun outeiro sobre a vertiente dun regato. Neste soporte aparecen insculturados ata seis muíños de tipo navicular ou de man. Cinco deles presentan os seus tres compoñentes ben definidos e unha notable profundidade; o último destes muíños rupestres só presenta o compoñente central e pouca profundidade. Nos soportes contiguos aparece algunha coviña aillada.

Viveiro I

Viveiro I

Viveiro I