O XESTOSO

De novo voltamos a atoparnos con dous grupos de insculturas que a pesares de ter sido publicadas(1) e comunicadas para a súa catalogación polo Clube Espeleolóxico Maúxo, estas continuan sin ser catalogadas  como outras moitas que estacións de petróglifos que permaanecen sen ser inventariadas polas administracións responsabeis.

O primeiro grupo situase nun outeiro a esquerda da pista Fragoselo-Saiáns un pouco antes de chegar ao Outeiro de Lucas.Baixo un gran batolito e na laxe que lle sirve de base, atopamos dous muíños de soporte fixo e unha coviña. Un dous muíños está moito máis marcado que o outro e inclusive se lle superpón un chisco.

O segundo grupo atoparémolo non moi lonxe do primeiro e tratase dunha laxe que presenta tres muíños rupestres, dous deles cos seus tres compoñentes e o terceiro con tan  só dous deles.

De novo requerimos as administración competentes que cumpran coa súa obriga e cataloguen estes conxuntos e procedan a súa protección e conservación.

(1) COSTAS GOBERNA J.B. E GROBA GONZÁLEZ X. Clube de Espeleoloxía Mauxo. «Os Petroglifos do Maúxo. (Vigo e Nigrán). Museo de Pontevedra1994.

Desde que escomenzamos esta andaina ala polo 2009, temos recibido 10.000 visitas, non está nada mal para un blog de petróglifos do noso ben querido Maúxo.

ALTO DA IGLESIA

PARROQUIA: Coruxo.

CÓDIGO XACEMENTO: 36057058.

Nesta laxe aparecen represantadas varias combinacións circulares ademáis de liñas e sucos de difícil interpretación.

Hoxe en día xa non se atopa alí situada a explotación apícola, o que fai máis fácil a visita ao mesmo. Recentemente fixeronse unhas talas na zoa e aparecen restos das cortas nas prósimidades e enriba dunha laxe que tamén ten insculturas.