OS PINTOS
PARROQUIA: Oia.
CÓDIGO XACEMENTO: GA36057090.
Os Pintos
Localízase no lugar da Ermida, na parroquia de Oia, nunha elevación sobre a Avenida Ricardo Mella. Neste soporte aparecen insculturados cinco muíños rupestres ou naviculares. O quinto muíño de man apenas é perceptible quizais pola erosión ou ben porque foi escasamente utilizado.
Atopándose a carón da estrada é vergoñento que non exista indicación algunha e non se faga unha posta en valor do mesmo.
Os Pintos
Os Pintos
Escrito en Oia
MONTE PEQUENO
PARROQUIA: Oia.
CÓDIGO XACEMENTO: GA36057117
Monte pequeno
Monte pequeno
Podémolos atopar o nacente dos barrios de Estomada e Esteriz no lugar coñecido como Monte Pequeno. Consta de combinacións circulares con coviña central e riscos axiais, coviñas riscos e catro dos chamados muíños naviculares ou de soporte fixo. Aparecen riscos, cazoletas e coviñas asociados a estes muíños de man, aparecendo coviñas no interior navicular.
Non existe letreiro algún que informe da súa presencia e o seu entorno atópase nun estado bastante deteriorado, con abundantes vertedeiros ilegais tanto de escombro coma de lixo. Ó atoparse preto da pista corre o risco de que algún vertido ilegal lle afecte directamente, polo que compre que se retiren os restos de lixo e escombros do lugar, e se evite que se fagan mais verquidos.
Monte pequeno
Fonte da planimetría: Clube Espeleolóxico Maúxo.
Escrito en Oia
CÓDIGO XACEMENTO: GA36057099.
O PONTÓN
A dereita da pista que de Fragoselo vai cara a Oia, e descendendo pola beira do regato, atopase este outeiro rochoso, no lugar coñecido coma “O Pontón”. Este conxunto consta de catro soportes insculturados, no que se poden apreciar: coviñas, cazoletas, combinacións circulares, diferentes riscos – entre os que destaca un de aparencia serpentiforme- e por último temos tres muíños rupestres ou de man cos seus tres compoñentes.
Non existe ningún tipo de indicación nin panel informativo e as agresións- por recheos e movementos de terras ilegais- no seu entorno, son evidentes. O perigo de que os soportes insculturados se vexan afectados polas mencionadas agresións é moi alto. É necesario e urxente que, a súa categoría de Bien de Interése Cultural, xunto co grao de protección que esta lle outorga se fagan efectivas non só no papel, senón con accións efectivas.
O Pontón
O Pontón
O Pontón
Sucos remarcados dixitalmente.
Sucos remarcados dixitalmente.
Fonte da Planimetría: Clube Espeleolóxico Maúxo.
Escrito en Coruxo
MUÍÑOS DE FORTIÑÓN
CÓDIGO XACEMENTO: Sen catalogar.
Muíños naviculares de Fortiñón.
Estes dous muíños rupestres ou de man, localizanse na praia de Fortiñon na parroquia de Saiáns. Tratase de dous muíños naviculares nos que só se aprecia o compoñente central, quizais debido a erosión do soporte, posto que coa marea alta ó mar cubre a rocha.
Se queredes visitalos é boa idea ter conta da marea para asegurarse de que non estean somerxidos, aínda que as postas do sol desde ese punto ben paga unha visita o lugar.
Descoñezo o motivo porque estes muíños rupestres se atopan sen catalogar. Outros mais para a lista … unha vergoña.
Muíños naviculares de Fortiñón.
Muíños naviculares de Fortiñón.
Muíños naviculares de Fortiñón.
Escrito en Saiáns
O CARBALLOSO -ÚLTIMA PRESA
CÓDIGO XACEMENTO: Sen catalogar.
CARBALLOSO -ÚLTIMA PRESA
Grupo composto de dous soportes colindantes. No primeiro, deles aparece representado un taboleiro ou trama cuadrangular, asociada a riscos e coviñas. No segundo soporte, aparecen tres muíños de tipo navicular, coviñas e cazoletas, e na parte mais abombada do soporte aparece insculturado un conxunto circular con risco diametral e coviñas enchendo os seus espazos intersectoriais.
Este conxunto localizase nas cercanías dos muíños hidráulicos de Gontade, a maioría deles en estado de abandono, salvo os mais próximos a estrada, que foron restaurados e postos en valor fai uns anos. Sería unha boa idea que se restaurasen todos estes muíños e se catalogase este petroglifo, para poñer en valor tanto o patrimonio etnográfico coma o arqueolóxico. Atopándose tan cércanos a estrada Vigo-Baiona poderíase facer un sendeiro- penso que de grande interese turístico- que percorra estes conxuntos. Recentemente, promovido pola Comunidade de Montes de Saiáns e realizado polo Instituto de Estudos Miñoranos, se creou un sendeiro no que se inclúen valores tanto etnográficos coma arqueolóxicos: Castro de Estea- Alto da Medoña, os muíños naviculares na proximidade do Castro e alguns dos muíños hidráulicos da parroquia. Ademáis teñen intención de ampliar este sendeiro, incluíndo outros conxuntos arqueolóxicos presentes nos seus montes, algúns deles sen catalogar. Penso que é un exemplo que podería ser utilizado tamén co patrimonio arqueolóxico e etnográfico da parroquía de Oia.
CARBALLOSO -ÚLTIMA PRESA
CARBALLOSO -ÚLTIMA PRESA
CARBALLOSO -ÚLTIMA PRESA
CARBALLOSO -ÚLTIMA PRESA
CARBALLOSO -ÚLTIMA PRESA
Fonte da Planimetría: Clube Espeleolóxico Maúxo.
Escrito en Oia
O CARBALLOSO VIII
CÓDIGO XACEMENTO: 36057103.
CARBALLOSO VIII
Este conxunto consta de nove soportes correlativos nun outeiro pétreo moi afectado polas labores de canteiría. As insculturas compoñense de cazoletas, riscos- podendo representar zoomorfos moi esquematizados-, xunto con combinacións circulares. No soporte mais occidental podemos observar un axadrezado, e na rocha mais oriental unha combinación circular con coviñas internas.
CARBALLOSO VIII
CARBALLOSO VIII
Fonte da Planimetría: Clube Espeleolóxico Maúxo.
Escrito en Coruxo
O CARBALLOSO V, VI, VII
CÓDIGO XACEMENTO: Sen catalogar.
Non poiden constatar estes conxuntos. A grande cantidade de eucaliptos e maleza, dificulta a localización destes conxuntos. De todalas maneiras, tentarei localizar estes conxuntos e poder fotografalos para a súa inclusión nesta entrada.
Fonte da Planimetría. Clube Espeleolóxico Maúxo.
Escrito en Oia
O CARBALLOSO IV
CÓDIGO XACEMENTO: 36057102.
CARBALLOSO IV
Nesta laxe plana aparecen representados riscos serpentiformes os lados de un semicírculo cun entramado tipo axedrezado, unha coviña e dous riscos asociados. Según alguns autores, a lectura global dos motivos insculturados, poderían indicar un motivo heráldico.
CARBALLOSO IV
CARBALLOSO IV
Clube Espeleolóxico Maúxo.
Escrito en Oia
O CARBALLOSO III
CÓDIGO XACEMENTO: Sen catalogar.
A cinco metros o norte do conxunto de O Carballoso II, nunha laxe aparece insculturado un círculo simple incompleto.
Non fun quen de constata-la existencia desta inscultura, ben poidera ser que a laxe se atope soterrada, ou ben que a erosión me impedise vislumbrala.
Escrito en Oia
O CARBALLOSO II
PARROQUIA: Oia.
CÓDIGO XACEMENTO: GA36057101
CARBALLOSO II
A uns 15 metros o occidente do Carballoso I, atopase este conxunto composto por catro muíños rupestres ou navículares de pouca profundidade, presentando tan só un deles, nítidos os tres compoñentes típicos neste tipo de muíños de man.
CARBALLOSO II
Fonte da Planimetría Clube Espeleolóxico Maúxo.
Escrito en Oia
---------------
