PARROQUIA: Chandebrito.

CÓDIGO XACEMENTO: 36035069.

Encóntrase no xardín dunha vivenda na parroquia de Chandebrito, moi preto das estacións do Preguntadoiro. Hai uns anos realizouse unha posta en valor dalgúns dos petróglifos desta zona entre os cales se encontraba este petróglifo.
Debo agradecer os propietarios da vivenda que, amablemente, me permitiron o acceso para realizar as fotografías.

PARROQUIA: Panxón.

CÓDIGO XACEMENTO: 36035052

As Penisas Pequenas

AS PENISAS PEQUENAS

Esta estación localízase no concello de Nigrán, concretamente na península de Monteferro. No catalogo aparece co nome de petróglifo do Coello.

Neste petróglifo atópase a maior concentración de muíños de man no mesmo soporte, un total de 21 muíños. Xunto a estes equipos de molienda poderemos observar cazoletas e coviñas ademais da representación de podomorfos, e decir pes descalzos.

.

AS PENISAS PEQUENAS

PARROQUIA: Zamáns.

CÓDIGO XACEMENTO: Sen catalogar.

Na parroquia de Zamáns e perto do barrio de Cidáns, atópase este petróglifo no que  aparecen representadas sete cazoletas como único motivo, alomenos, na parte da rocha que non permanece soterrada.

Próximo ao xacemento do monte de Cabanas e as mámoas de San Cosme, o lugar pode deparar novas sorpresas, ben sexa en forma de petróglifos ou ben en forma de xacemento.

SUBIDA O FERRO VELLO

SUBIDA O FERRO VELLO

PARROQUIA: Coruxo.

CÓDIGO XACEMENTO: GA36057059.

Pedra Moura

A pesares de ser o  buque insignia dos petróglifos vigueses e a maior superficie insculturada do Maúxo, atópase nunhas condicións lamentables e é vítima do vandalismo do abandono e deixadez. O cercado que o delímitaba, xace enfrerruxado, esmagado e enrrolado entre os fentos, tan só permanece  “in situ” as pedras do muro onde se asentaba o cercado metálico. O panel explicativo, onde vai os anos que foi arrincado e non se voltou a repoñer. É difícil entender como unha xoia rupestre deste calibre, pode esmorecer deste xeito sen que ninguén faga nada por impedilo; ¿imos esperar a que desapareza para botalo de menos?.

PARROQUIA: Camos.

CÓDIGO XACEMENTO: GA36035035.

Este grupo, localizado na beira da pista que de Chandebrito, vai cara o merendeiro de Camos, foi danado polo vial que promove o Concello de Nigrán xunto coa Diputación. Este vial, foi paralizado pola Conselleria de Medio Rural e a Conselleria de Patrimonio, sen embargo, isto non evitou que este petrógifo e algúns xacemento fosen danados. É triste, que a propia Administración incumpla as leis e non se realicen  prospeccións arqueolóxicas nin estudos previos. De novo, é evidente o desprezo das Administracións polo noso patrimonio e coma sempre quedarán impunes os responsables desta desfeita.

 

A PENA. Grupo III

Nas fotos, podedes apreciar os danos  irreversibles causados pola pa mecánica no petróglifo, ademáis o movemento de terras casi sepulta por completo a pedra.

A PENA. Grupo III

El vial de Chandebrito a Priegue pone en peligro vestigios humanos de hace 300.000 años

PARROQUIA: Coruxo.

CÓDIGO XACEMENTO:Sen catalogar.

LEIXEADE

Nas lindes entre Leixeade de Arriba e o Chan Grande e nunha chaira que domina o canón inferior de A Costa do Can e de A Costa de A Fraga, formado polo río da Rega, atópase este petróglifo composto de tres combinacións circulares con coviña central e unha delas con risco axial.

Outro petróglifo máis que, a pesares de ter sido comunicada a súa descoberta polos cauces administrativos pertinentes, continua sen ser catalogado.

No ano 1990 D. Xulio Fernández Pintos, ( un dos mellores estudosos da arte rupestre e da etnografía da bisbarra viguesa),  publicaba no dominical de un diario da cidade olívica, a descuberta realizada por D. Juan Alonso Campos  dunha nova estación na parroquia de Valadares. Veintiun anos despóis, estes petróglifos continuan sin ser catalogados pese a que a descuberta foi publicada no seu día  na prensa, e supoño que tamén comunicada  a súa localización a administración correspondente.

PARROQUIA: Coruxo.

CÓDIGO XACEMENTO:.

Devesa do Rei III.Petróglifo moderno.

No camiño que vai dende a capela de San Sebastián, en Fragoselo, ata o petróglifo da Debesa do Rei I- máis coñecido como Pedra Moura-, atopamos estas insculturas nas que destacan, un serpentiforme e unha representación dun vehículo. É evidente que esta última representación é moderna, tanto polo motivo representado coma pola sección en “V” do suco que delata a súa execución con ferramenta metálica.

Devesa do Rei III

PARROQUIA: Coruxo.

CÓDIGO XACEMENTO:Sen Catalogar.

Avilleira

No Monte de Avilleira, atopamos unha laxe de gran tamaño de superficie plana, na que aparecen insculturados tres muíños de tipo navícular. Un destes muíños presenta un risco con coviña no compoñente inferior e dúas coviñas no compoñente central. Nunha rocha das máis altas da elevación, catro coviñas. Nas caras verticais de outras rochas prósimas observanse coviñas aisladas.

Pese a ter sido comunicada a súa existencia polo Clube Espeleolóxico Maúxo seguindo o cauce administrativo correspondente, estes petroglifos continuan sen ser catalogados… unha vez máis: coma sempre o de sempre.

Avilleira

Avilleira. Coviñas remarcadas con círulos verdes.

Avilleira. Fonte da planimetria: Clube Espeleolóxico Maúxo.

PARROQUIA: Coruxo.

CÓDIGO XACEMENTO:GA36057094

O Viveiro V

Rodeado de vexetación e eucaliptos e nun afloramento rochoso, atoparemos este conxunto no que se poden distinguir grupos de coviñas e dous muíños de soporte fixo ou de tipo navícular. Nas laxes prósimas – segundo a bibliografía, pero sen que o poida constatar- círculos concéntricos con cazoleta central e liñas curvas e rectas e algúns cuadrangulares e óvalos irregulares.

Se  atopan en mal estado, sen señalización e moi afectados por musgos e brións.

O Viveiro V. Coviñas e liñas remarcados de cor verde.